Ukraina njofton vdekjen e një ushtari dhe plagosjen e gjashtë të tjerëve, si pasojë e një sërë sulmesh nga ana e separatistëve rusë, në rajonin e Donbas.
Joint Forces Command njoftoi me anë të një deklarate, se në 24 orë u shënuan 96 sulme nga ana e separatistëve rusë, prej tyre 81 me armë të rënda, duke njoftuar se në një prej sulmeve, humbi jetën një ushtar.
“Si pasojë e sulmeve, një ushtar humbi jetën si pasojë e plagëve vdekjeprurëse. Gjashtë të tjerë mbetën të plagosur gjatë luftimeve”, deklaroi komanda ushtarake e Ukrainës.
Ndër të tjera Kievi, thirri në shërbim rezervistët e ushtrisë me moshë nga 18 deri në 60 vjeç.
Është ky dekreti që mban firmën e Presidentit ukrainas, Volodymyr Zelensky, ku thuhet se vendi po përgatitet për një sulm të mundshëm rus.
Rezervistët duhet të japin shërbim për maksimumi një vit, thuhet në dekret.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
