Organi i akuzës ka kërkuar 6 vjet burg për zv.kryeministrin Matteo Salvini, i akuzuar për refuzim të akteve zyrtare për rrëmbim dhe pengimin e zbarkimi të 147 emigrantëve nga “Open Arms” në Lampedusa, ngjarje e ndodhur 5 vite më parë.
“Ekziston një parim kyç i padiskutueshëm: mes të drejtave të njeriut dhe mbrojtjes së sovranitetit të shtetit, janë të drejtat e njeriut ato që duhet të prevalojnë në sistemin tonë juridik, fatmirësisht demokratik”, deklaroi gjatë aktakuzës zëvendësprokurori Geri Ferrara.
“Personi në det duhet të shpëtohet dhe klasifikimi i tij është i parëndësishëm: migrant, anëtar i ekuipazhit, pasagjer”, thuhet në aktakuzë.
“Sipas të drejtës ndërkombëtare të Konventës Sar, edhe një trafikant njerëzish apo një terrorist duhet të shpëtohet dhe më pas drejtësia ndjek rrugën e saj”, shtroi magjistrati. Ai vuri në dukje se nuk kemi të bëjmë me një proces politik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
