Kundërshtuan me dhunë policinë, arrestohen tre të rinjtë në Lushnje

Tre të rinj janë arrestuar në Lushnje pasi kundërshtuan me dhunë ndalimin nga policia.

Burimet zyrtare bëjnë me dije se tre të arrestuarit janë identifikuar me inicialet S. Sh., 28 vjeç, O. M., 28 vjeç dhe E. K., 24 vjeç, banues në Qerret, Lushnjë.

Këta shtetas, në bashkëpunim me njëri-tjetrin, në lagjen “Kongresi i Lushnjës” nuk i janë bindur urdhrit të punonjësit të Policisë për shoqërimin e tyre në Komisariat dhe kanë kundërshtuar me dhunë gjatë ushtrimit të detyrës punonjësit e Policisë.

Tre të rinjtë akuzohen për veprat penale “Kundërshtimi i punonjësit të policisë së rendit publik” dhe “Mosbindja ndaj urdhrit të punonjësit të policisë”, ndërsa materialet i kaluan Prokurorisë për veprime të mëtejshme.