Pas mbylljes së protestës së opozitës ka reaguar menjëherë ministri i Brendshëm Sandër Lleshaj. Përmes një postimi në rjetin social ‘Twitter’, numri një i Ministrisë së Brendshme përshëndet reagimin e Policisë së Shtetit në lidhje me protestuesit, duke thënë se është një mënyrë për t’i dalluar ata që protestave u përgjigjeshin me zjarrin e armëve luftarake dhe nesh, që armën tone kemi durimin.
Gjithashtu ministri Lleshaj nuk kursen edhe falënderimin për punonjësit e Policisë së Shtetit.
"“Sot ne bëmë dallimin e qartë mes atyre që protestave u përgjigjeshin me zjarrin e armëve luftarake dhe nesh, që armën tone kemi durimin e zjarrin tonë kemi përkushtimin për Shqipërinë europiane! Faleminderit nga zemra Policisë shqiptare. Super punë sot #Mirënjohje”", shkruan Lleshaj.
Edhe drejtori i Përgjithshëm i Policisë së Shtetit, Ardi Veliu, ka përshëndetur efektivët e policisë që u angazhuan për mbarëvajtjen e protestës së thirrur nga opozita.
Në një reagim të shkurtër për mediat, ai u shpreh se, "S'kam ardhur për prononcime por për të falenderuar policët që kanë bërë një punë të shkëlqyer".
Ndërkohë Policia e Shtetit dhe Prokuroria pritet të fillojnë hetimin në lidhje me incidentet në protestën te Kryeministria.
Një grup hetimi ka mbërritur në vendin e ngjarjes për mbledhjen e provave.
Policia ka fotografuar e filmuar gjithë ngjarjet para Kryeministrisë, ndërkohë që do të mblidhen edhe provat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
