Ministri i ekonomisë i Francës ka sugjeruar që BE mund të kompensojë kompanitë evropiane të prekura nga sanksionet e Shteteve të Bashkuara kundër Iranit, duke theksuar se blloku nuk duhet ta pranojë Uashingtonin si “xhandarin ekonomik të planetit”.Bruno Le Maire i referohet një sërë kundërmasash që BE miratoi në vitin 1996 në përgjigje të sanksioneve ekonomike ekstraterritoriale amerikane kundër Kubës.
Në atë kohë, Brukseli argumentoi se këto sanksione sollën përfitime në interesat e politikës së jashtme të Uashingtonit në kurriz të sovranitetit të BE. Rregullorja ka për qëllim “të mbrojë interesat ekonomike dhe financiare të personave fizikë ose juridikë kundër efekteve të zbatimit ekstraterritorial të legjislacionit”.
“Përforcimi i rregullores së vitit 1996 do të na lejonte të bartnim kostot e sanksioneve të paguara nga kompanitë e BE, të cilat mund të paguhen nga Bashkimi Evropian. Ne kemi një buxhet evropian që mund të ndihmojë për të mbrojtur bizneset tona ", tha Le Maire, duke folur për stacionin e radios Europe 1 të dielën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
