Kryeministri Edi Rama do të udhëtojë të martën drejt Parisit, për një vizitë zyrtare. Rama do të zhvillojë një takim me presidentin francez, Emmanuel Macron.
Takimi do të mbahet në pallatin Elysee dhe do të zgjasë rreth 1 orë.
Ky është takimi i dytë i nivelit të lartë që Rama zhvillon brenda një muaji. Dy javë më parë, ai u prit në Berlin nga kancelarja gjermane Angela Merkel. Takimi i kreu të qeverisë shqiptare erdhi në kuadër të një turi që ai po zhvillon me qëllim lobimin për hapjen e negociatave nga Gjermania.
Berlini së bashku me Parisin janë dy vendet më skeptike për hapjen e negociatave në qershor, ndërsa Shqipëria do të tentojë që t’i bindë deri në minutat e fundit. Takimi i të martës do t’i shërbejë Ramës për ta njohur presidentin francez me përparimin e reformave dhe plotësimin e kushteve nga ana e Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
