Kryeministri i Shqipërisë Edi Rama dhe kreu i qeverisë së Kosovës Albin Kurti janë bërë sot bashkë në festimet për 112-vjetorin e Pavarësisë në qytetin e Vlorës.
Të pranishëm në ceremoninë festive janë edhe Presidenti i Shqipërisë Bajram Begaj, kryetarja e Kuvendit Elisa Spiropali dhe kryetari i bashkisë Vlorë Ermal Dredhaj.
Fillimisht ata u ndalën përballë Monumentit të Pavarësisë ku u ekzekutua himni kombëtar dhe mandej u ngrit flamuri kuqezi.
Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.
28 nëntori është shpallur gjithashtu ditë festë edhe në Republikën e Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
