Gjykata pezullon pasaportën e vaksinimit për hyrjen në PE

Gjykata e Bashkimit Evropian ka vendosur të pezullojë përkohësisht vendosjen e “Green pass” për hyrje në ndërtesat e Parlamentit Europian”.

Lajmin e ka bërë të ditur agjencia belge e shtypit, duke saktësuar se “disa eurodeputetë dhe stafi i Parlamentit Evropian kanë apeluar kundër këtij imponimi”.

Agjencia belge saktëson se “presidenti i gjykatës së BE-së do të nxjerrë një vendim të dytë në javët në vijim për kërkesën për pezullim përfundimtar” të përdorimit të Green Pass në Parlamentin Europian. Burime të mirëinformuara të Parlamentit Evropian të kontaktuara nga ANSA kanë saktësuar se për momentin nuk janë në dijeni se çfarë është vendosur nga kryetari i Gjykatës së BE-së.