Sulm me makinë eksplozivi dhe armë zjarri në hotel, të paktën 10 të vdekur në Somali

Një sulm me eksploziv dhe armë zjarri ka shkaktuar të paktën 10 të vdekur në kryeqytetin e Somalisë, në Mogadishu.

BBC shkruan se një automjet i mbushur me eksploziv u përplas me pjesën e pasme të hotelit Elite, në zonën e plazhit Lido. Më pas persona të armatosur kanë hyra brenda tij, kanë qëlluar dhe kanë marë peng disa klientë që ndodheshin aty.

Momentalisht forcat e sigurisë thuhet se po tentojnë të rimarrin në kontroll hotelin, ndërkohë që grupi militant islamik al-Shabab ka thënë që luftëtarët e tij janë autorët e sulmit.

"Ende ka të shtëna sporadike," - i tha agjensisë së lajmeve AFP zyrtari i qeverisë së sigurisë somaleze Ahmed Omar. "Numri i vdekjeve mund të rritet sepse shpërthimi ishte shumë i madh dhe ekziston mundësia e vrasjes së pengjeve."

Disa raporte thonë se numri i të vdekurve është 15.

Dëshmitari Ali Sayid Adan tha se shpërthimi fillestar ishte "shumë i rëndë" dhe e la zonën të mbuluar me tym.