Atë që kryeministri Rama e cilësoi një pako e madhe, gazetarja e ekonomisë, Mirilda Tili e sheh si një “karamele” që jepet për një muaj, në prag të nisjes së vitit elektoral. Në emisionin “MCN Economy”, Tili tha se pakoja mbështetëse me vlerë 8 miliardë lekë nuk është mbështetje reale për ato shtresa që duan të përballojnë rritjen e çmimeve.
Nuk ndodh të zerosh inflacionin me 8 mijë lekë. Janë 1 milionë të varfrit zyrtarë në Shqipëri. Është qesharake që 8 mijë lekë të zgjidhin çështjen e varfërisë. Është karamele që po jepet për një muaj.
Jo vetëm që lidhet me vitin elektoral dhe duhet bërë fushatë, por dua t’i jap të drejtë Ramës kur thotë se ne i japim shumicës së qytetarëve. Pra t’ thua se po i mbështet me 8 mijë lekë të reja, i shtojmë efektin që kanë krijuar të larguarit, i bie që më shumë se gjysma e shqiptarëve të jenë të varfër. Nuk është mbështetje reale për ato shtresa që duan të përballojnë rritjen e çmimeve. Konsumi është ulur në nivele të frikshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
