Dy persona humbën jetën dhe 50 të tjerë u plagosën pasi dy trena u përplasën me njëri-tjetrin në Republikën Çeke.
Një tren me shpejtësi të lartë që udhëtonte nga Mynihu dhe një tren pasagjerësh vendas u përplasën ballë për ballë në orën 8 të mëngjesit këtë të mërkurë.
Dhjetëra ambulanca, makina policie dhe helikopterë shpëtimi shkuan në fshatin çek të Milavce rreth 10 milje nga kufiri gjerman.
Ministri çek i transportit Karel Havlicek tha se shkak mund të ketë qenë një gabim njerëzor. Ai tha se shoferi i trenit me shpejtësi të lartë nuk kishte arritur të ndalonte në një vend të caktuar.
"Situata është serioze," tha Havlicek, i cili po shkonte drejt vendit të ngjarjes.
Shtatë persona ndodheshin në gjendje kritike për jetën, thanë autoritetet, ndërsa të plagosurit po dërgoheshin dhe drejt spitaleve gjermane.
Shefi i brigadës së zjarrfikësve Jaroslav Hrdlicka u tha mediave lokale se trenat ishin përfshirë në një përplasje të drejtpërdrejtë dhe se ata ishin ende në kërkim të një personi të zhdukur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
