Me ngritjen e temperaturave të larta në vend, mungesa e kushteve për të udhëtuar në transportin urban, lë shumë për të dëshiruar.
Në një vëzhgim që gazetari Besmir Pula u bëri transportit urban në Tiranë, nga 13 linja, sipas tij, vetëm pesë prej tyre i ndezin në masë kondicionerët, duke krijuar kësisoj kushte të disfavorshme udhëtimi në zonën e Tiranës.
Gjatë intervistimit të disa qytetarëve të cilët ishin në pritje të linjave gjegjëse, ata shprehen për mikrofonin e “MCNlive”, se disa linja nuk ndezin fare kondicioner duke bërë udhëtimin e tyre në këto ditë me vapë, mjaft të vështirë.
Ata dalluan linjat më të vështira për udhëtim pa kondicionerë, si linjat Sauk-Teg, Yzberisht, Institut-qendër, Kombinat-Tufinë, kopshti Zoologjik-Teg, dhe Sharrë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
