Nga nata e mbrëmshme, Lezha ka kaluar në errësirë, duke lënë pa energji elektrike mijëra banorë.
Pas orës 23:00, e gjithë zona e Lezhës ka mbetur pa furnizim elektrik, duke shkaktuar vështirësi për familjarët, bizneset dhe institucionet e zonës.
Korrespondenti i "MCn Live", Juli Simoni, ka informuar se OSHEE kishte paralajmëruar rikthimin e energjisë në orën 05:00, por për shkak të punimeve të nevojshme në nënstacionin elektrik, rikthimi është vonuar.
Një situatë e tillë pa energji elektrike kishte zënë të papërgatitur familjarë, biznese dhe institucione. OSHEE kishte lajmëruar rikthim të energjisë në orën 05:00, por për shkak te punimeve në nënstacionin elektrik, punimet vonuan sepse ndërrimi i transformatorit dhe lidhja e transformatorëve te rinj zgjati periudhën e planifikuar.
Ndërkohë pas gati 12 orësh është rikthyer energjia elektrike në qytetin e Lezhës dhe zonat përreth, duhet thënë se bëhej fjalë për 80% të zonës së Lezhës dhe Shëngjinit.
Kjo ndërprerje e energjisë ka sjellë vështirësi të mëdha për qytetarët, por gjithashtu ka pasur një ndikim të drejtpërdrejtë edhe në funksionimin e aktiviteteve të përditshme, veçanërisht për bizneset dhe institucionet që varen nga furnizimi i pandërprerë me energji elektrike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
