Inspektori i Lartë i Drejtësisë ka nisur verifikimet për rastin e vrasjes së Egli Progës në Pogradec.
ILD ka kërkuar nga prokuroria dhe Gjykata e Korçës të gjithë dosjen hetimore, për të verifikuar nëse është respektuar ligji për regjistrimin e veprës penale “Vrasje nga pakujdesia” dhe në seancën për caktim të masave të sigurimit.
Gjykata e Korçës, lidhur me këtë ngjarje tha se ka lënë në fuqi masën e kërkuar nga prokuroria, pasi sipas gjykatës, në këtë fazë të procesit penal, në shqyrtimin e kërkesave për caktimin e masave të sigurimit personal, gjyqtari i hetimeve paraprake nuk mund të bëjë ndryshimin e cilësimit juridik të veprës penale për të cilën procedohet personi nën hetim dhe as të caktojë një masë sigurimi më të rëndë se ajo e kërkuar.
Si i dyshuar për ngjarjen pas goditjeve me grushte, qëndron pas hekurave Denis Meçe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
