Një sondë hënore kineze gjeti gjurmë uji në mostrat e Hënës, kanë njoftuar shkencëtarët, teksa Kina shton ambiciet e saja hapësinore me shpejtësi të lartë, shkruan Phys.org.
Roveri Chang'e-5 përfundoi misionin e tij në vitin 2020, duke u rikthyer në Tokë me mostra shkëmbi dhe dheu nga hëna duke e bërë kështu Kinën vendin e parë në botë që sjell mostra guri dhe dheu nga pjesa e largët e Hënës.
Mostrat hënore "zbuluan praninë e gjurmëve të ujit", shkroi grupi i shkencëtarëve nga universitetet kineze në revistën Nature Astronomy, të botuar të hënën.
Një detektor infra të kuqe i NASA-s konfirmoi tashmë në vitin 2020 ekzistencën e ujit në Hënë, ndërsa shkencëtarët gjetën gjurmë uji në analizat e fundit të mostrave që datojnë nga vitet 1960 dhe 1970.
Por mostrat Chang'e-5 janë nga një "gjerësi gjeografike shumë më e lartë", duke ofruar të dhëna të reja se çfarë forme merr uji në sipërfaqen e hënës, shkruajnë shkencëtarët kinezë.
Mostrat sugjerojnë se "molekulat e ujit mund të vazhdojnë në zonat e ndriçuara nga dielli të hënës në formën e kripërave të hidratuara", thanë ata.
Chang'e-5 ishte misioni i parë në botë në katër dekada për të mbledhur mostra nga Hëna.
Ai pasoi uljen e parë historike të Chang'e-4 në anën e largët të Hënës në janar 2019.
Dhe muajin e kaluar, sonda hënore Chang'e-6 përfundoi misionin e saj për të mbledhur mostrat e para nga ana e largët e Hënës.
Kina ka ndërtuar një stacion hapësinor dhe është bërë vendi i tretë që dërgon astronautë në orbitë.
Ajo gjithashtu synon të dërgojë një mision me ekuipazh në Hënë deri në vitin 2030 dhe planifikon të ndërtojë një bazë në sipërfaqen hënore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
