Një gjykatë në Francë ka shpallur fajtor ish-kryeministrin François Fillon pasi e ka paguar të shoqen mbi 1 milion euro për një punë fiktive.
Fillon u dënua me pesë vjet burg - tre prej të cilave mund të konvertohen në shërbim në komunitet. Ai gjithashtu do të duhet të paguajë një gjobë 375 000 € dhe do të ndalohet të garojë në zgjedhje për 10 vjet.
Gruaja e tij, Penelope, u dënua me kusht tre vjet, një gjobë prej 375 000 € dhe i ndalohet të kandidojë në poste publike për dy vjet.
Avokatët e tyre thanë se do të apelojnë dënimin.
Gruaja e ish-kryeministrit ka përfituar një pagë sa nëntëfishi i pagës minimale në Francë, pa bërë asnjë gjë. Hetimi nisi pas një investigimi të një të përjavshmeje satirike franceze, “Canard Enchainé”, botuar në janar 2017.
Rasti në fjalë e shkatërroi përpjekjen e Fillonit për të garuar në zgjedhjet e vitit 2017, në një kohë kur ai shihej si favorit. Kjo i hapi rrugën zgjedhjes së Emmanuel Macron.
Fillon, 66-vjeçar, ka këmbëngulur që gruaja e tij i fitoi paratë me ndershmëri, duke thënë "nuk ka dyshimin më të vogël" për natyrën e bashkëpunimit të gruas së saj.
Fillon u akuzua në mars 2017 për "përvetësim të fondeve publike", "fshehje dhe bashkëpunim në shpërdorim të pronës së korporatave" dhe "shkelje në raportimin e detyrimeve ndaj HATVP (autoriteti i lartë i Francës për transparencën e nëpunësve civilë.)"
Fillon ka qenë kryeministër në qeverinë e qendrës së djathtë të Nicolas Sarkozy në vitet 2007 dhe 2012.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
