Më 22 maj, sipas Komisionit Shtetëror Zgjedhor në RMV do të ketë zgjedhje të përsëritura parlamentare në shtatë njësi zgjedhore. Një vendim i tillë është marrë për shkak të parregullsive të ndodhura në zgjedhjet parlamentare të mbajtura në vend më 8 maj.
Sipas politikës në vend, spekulohet se këto zgjedhje të përsëritura mund të rezultojnë me ndryshim në dy mandate, në dëm të partisë shqiptare, BDI-së, drejtuar nga Ali Ahmeti.
Me shumicë votash anëtarët e Komisionit Shtetëror të Zgjedhjeve votuan që që të përsëritet votimi në një qendër të Komunës së Zhelinës pranë Tetovës. Bëhet fjalë për zonën e gjashtë zgjedhore, ku Fronti Evropian fitoi nëntë deputetë, ndërsa koalicioni “Vlen” shtatë.
Rivotime do të ketë në Krushevë, Dollnen, Strugë dhe Ohër, si pjesë e zonës së gjashtë zgjedhore.
Edhe këtu koalicioni Fronti Evropian rrezikon të humbasë një deputet dhe atë ta fitojë ose Lidhja Social Demokrate ose VMRO-DPMNE-ja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
