Skenografi Leardo Xhemollari i cili aktualisht bën tatuazhe, thotë se këtë profesion e nisi ndërsa filloi universitetin.
Duke folur për “MCN Informacion”, ai e cilësoi punën e tij një përgjegjësi shumë të madhe për artin trupor, pasi puna e tij gdhendet në trupin e një personi.
Ai rrëfeu se punën e ka filluar në vitin 2012, ndërsa ka përfunduar liceun artistik në Korçë, pati një shkëputje dhe më tej zgjodhi të studionte për skenografi, ndërsa pagesën e tatuazheve e nisi si një mënyrë jetese.
Xhemollari thotë se aktualisht më shumë tatuazhe bëjnë vajzat se sa djem.
Në fillimet e mia bëja një tatuazh një javë, apo dy javë. Emocioni i parë kur pret një makinetë me dorë është i madh dhe perfeksioni duhet të jetë maksimal.
Moshën e re nuk e preferojnë, nuk e duan artistin të jetë i vogël. Tatuazhin e parë ia kam bërë vetes.
Kam një tatuazh te pjesa e gjurit, janë dy peshq, nuk është se ka ndonjë kuptim, por ishte momenti.
Aktualisht nuk kam një studio, punoj te një studio e mikut tim, pjesa e orarit është pak shumë, pasi punojmë dhjetë orë në ditë. Tani ia vlen të punosh në këtë punë.
Personat vijnë me një imazh që nuk është i përfunduar por me shpjegime e përfundoj diçka të tillë. preferoj që një klient të vij tre ditë para, për tatuazhet me imazhe.
E mira është që pjesën e skicës të ma lënë mua. Duhet që tatuazhi të jetë i veçantë ta kesh ti dhe vetëm ti.
Vajzat bëjnë tatuazhe shumë të vogla, iniciale, imitime, është më e thjeshtë. Janë më shumë kliente femra se sa meshkuj.
Vajzat bëjnë tatuazhe shumë të vogla dhe vijnë shumë shpesh, ndërsa meshkujt mbushin gjithë krahun dhe e mbledhin mendjen për tre vjet.
Gjilpërat janë njëpërdorimshme, bërja e tavolinës gati bëhet në momentin që klienti është në dhoma. Boja e pahapur, çdo gjë është e re.
Një milimetër është shpimi. Ne punojmë me bojëra amerikane dhe një tatuazh i bërë nuk ka nevojë për shtatë vite për rifreskim.
Për rikalimet e bojës, ndahet në disa njerëz. Shumica e njerëzve nuk e pranon bojën 100%, nuk e pranon trupin.
Javën e parë të shërimit bie e gjitha, çka ngelet pas e ke për gjithë jetën. Vajzat bëjnë kryesisht iniciale, ndërsa djemtë dhe portrete.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
