Luiza Gega shkëlqen në Europianin e Atletikës/ “Kthehem në Shqipëri me medalje ari”

Atletja shqiptare, Luiza Gega, është shpallur kampione e Europës. Gega fitoi garën e 3 000 metrave me pengesa në Europianin e Atletikës “Mynih 2022”.

“E kam dashur këtë fitore që ditën e parë. Kam punuar shumë për të arritur këtu”, tha ajo për mediat italiane.

Jam e vetmja që përfaqësoj Shqipërinë këtu dhe do të kthehem në shtëpi me medaljen e artë.

Gega arriti e para në finish, duke marrë trofeun e radhës.

Në vitin 2016, atletja shqiptare arriti të fitonte medaljen e argjendit në Europianin që u zhvillua në Amsterdam.

Në qershorin që kaloi, ajo u pozicionua e pesta në Botërorin e Atletikës, të zhvilluar në Oregon të Shteteve të Bashkuara.