Kryetari i Bashkisë së Durrësit, Vangjush Dako, ka shpjeguar punësimin e Lulzim Berishës në institucionin që ai drejton. Falë gatishmërisë së bashkisë për ta punësuar, ish-kreu i bandës së Durrësit fitoi pak ditë më parë lirinë me kusht nga Gjykata e Apelit të Durrësit.
Dako shprehet se ish-dënuari Berisha do të kryejë punë vullnetare në një nga ndërmarrjet e Bashkisë si ajo e pastrim-gjelbërimit, dhe nuk do të paguhet për punën e tij në shërbim të komunitetit.
Dako është shprehur për mediat se angazhimi i Lul Berishës është një procedurë standarde që Bashkia e Durrësit e aplikon me çdo të burgosur në liri me kusht.
Kryebashkiaku i Durrësit shpjegon se Bashkia ka mbajtur qëndrim tepër korrekt në rastin e Lul Berishës dhe të të gjithë të burgosurve të tjerë të punësuar pranë njësisë vendore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
