Çrregullimet seksuale mashkullore, në mënyrë të veçantë impotenca, mund të qëndrojnë në bazë të sjelljes së dhunshme ndaj femrave. Për momentin vetëm një hipotezë, ky do të jetë objekti i një studimi dhe një debati të gjerë që do të përfshijë ekspertët e Shoqatës Italiane të Andrologëve, gjatë tryezës së rrumbullakët me temë “Mashkulli i brishtë: rrënjët e përndjekjes, dhunës dhe vrasjes së femrave në çrregullimet seksuale të burrave”. Konferenca shkencore me këtë temë do të mbahet në 23-25 maj.
“Deri sot mendohej se sasia e madhe e testosteronit mund të ishte shkaku i agresivitetit, por nga studimet e fundit del se pas personalitetit të dhunshëm dhe agresiv të një mashkulli mund të fshihet mosfunksionimi seksual, në mënyrë të veçantë mungesa e ereksionit”, shpjegon për ANSA Alessandro Palmieri, kryetar i Shoqatës Italiane të Andrologëve.
“Ky debat do të jetë rasti i duhur për t’u thelluar në këtë temë, por pa krijuar një alibi për sjellje të tilla që duhen dënuar me ashpërsinë e ligjit. Por krahas kësaj, për të analizuar dhe për të fituar përvojë në luftimin e këtij fenomeni përmes zbulimit të sikleteve seksuale, që shpesh mbahen të fshehura nga popullata mashkullore”, thotë Palmieri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
