Këtë të martë numri i amerikanëve të shtruar në spitale arriti një nivel rekord, pasi në muajin nëntor janë zbuluar mbi 1 milionë raste me koronavirus. Nga fillimi i pandemisë dhe deri më tani në SHBA janë konfirmuar 10 milionë raste, ndërsa 239.732 është numri i vdekjeve, me një masatare 900 në ditë.
Sipas BBC është konfirmuar se këtë të martë në spitalet e Amerikës ishin 61.964 persona të cilët po merrnin ndihmë mjekësore për koronavirusin.
Ndërkohë ekspertët paralajmërojnë se spitalet në të gjithë vendin shumë shpejt mund të mbingarkohen, ndërsa e cilësojnë këtë shpërthim si më të rrezikshëm edhe se vala e para.
Në 10 ditët e para të nëntorit Amerika kapi mbi 1 milion raste të reja të koronavirusit.
Shtetet në të gjithë SHBA-në kanë thyer rekorde sa i përket rasteve të reja këtë javë. Më 10 nëntor, Texas u bë shteti i parë që arriti një milion raste në total. Kjo do të thotë se tejkaloi edhe Italinë, shtetin më të prekur gjatë valës së parë në muajt mars dhe prill.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
