Tre shqiptarë dhe një italian u arrestuan në Itali për pengmarrje. Sipas mediave italiane, katër persona u arrestuan në Pergine Valsugana, pasi kishin marrë peng një të ri, të cilit i kishin ngarkuar detyrën të ruante një kilogram marijuanë.
I riu u mor peng në shtator 2016, pasi e humbi lëndën narkotike që duhej të ruante. Ai u la i lirë vetëm pasi babai i tij kishte paguar “gjobën” shtatë mijë euro, që i kishte vënë banda e shqiptarëve dhe italiani.
Mediat italiane shkruajnë se të arrestuarit jane Enrik Fetahu, Kreshnik Dedej, Enea Vrapi dhe italiani Vincenzo Longobardi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
