Rreth 300 të rinj në Athinë u mblodhën për të festuar me birra në shesh, pavarësisht rregullave për distancimin social në mes të pandemisë së koronavirusit.
Mediat greke shkruajnë se të rinjtë madje sulmuan forcat e policisë duke gjuajtur në drejtim të tyre me shishe birrash.
Ata u mblodhën në periferinë e Aghia Paraskevi në Athinë për të dëfryer dhe madje u vunë edhe flakën disa kazanëve të mbeturinave. Policia i paralajmëroi tubuesit që të shpërndahen, por ata e refuzuan këtë thirrje.
Situata u qetësua vetëm pas mesnate dhe sipas policisë nuk pati të shoqëruar.
Por kjo nuk është hera e parë që qytetarët shkelnin rregullat në Athinë pasi një skenë e ngjashme me një turmë njerëzish u vu re të hënën në mbrëmje, siç shihet nga një foto nga sheshi, e cila iu publikua në internet.
Këto imazhe bënë që Nënsekretari i Mbrojtjes Civile Nikos Hardalias të paralajmërojë me një ton të ashpër që mbledhjet dhe festat janë të ndaluara, përndryshe do të merren masa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
