Presidenti Ilir Meta ka hedhur akuza kundër qeverisë. Duke publikuar Indeksin e Prosperitetit, të përgatitur nga Legatum Institute, Meta tjhotë se Shqipëria ka rënë me 3 shkallë në treguesin e prosperitetit ku fuqia punëtore dhe qëndrueshmëria fiskale janë më të ulëtat në Europë.
Ndërsa kërkon reflektim të menjëhershëm, Meta shprehet se cilësia e jetës së qytetarëve shqiptarë ka rënë në tërësi, gjendja është e rëndë dhe përkeqësimi nuk ndalet.
Futesh në borxh për t'u përmirësuar dhe jo për t'u përkeqësuar! Në të kundërt ndodh me vendin tonë. Sipas Indeksit të Prosperitetit, të përgatitur nga Legatum Institute, institucion i pavarur prestigjoz i përpunimit të statistikave që vijnë nga burime të besueshme, rezulton se vetëm brenda dy viteve të fundit Shqipëria ka përkeqësuar me tre shkallë treguesin e prosperitetit, duke rënë në vendin e 69-të për vitin 2021, nga vendi i 66-të, që ndodhej në 2019. Në terma konkretë, qëndrueshmëria fiskale, dinamizmi ekonomik, fuqia punëtore janë ndër më të ulëtat në Europë.
Në pikiatë rezultojnë cilësia e qeverisjes, e ekonomisë, zbatimi i ligjeve, respektimi i të drejtave të pronësisë, zbatimi i kontratave dhe detyrimeve. Cilësia e jetës së qytetarëve shqiptarë ka rënë në tërësi dhe pothuajse jemi ndër të fundit në botë për besimin ndaj institucioneve. Gjendja është e rëndë dhe përkeqësimi nuk ndalet! Reflektimi i menjëhershëm, efektiv dhe i përgjegjshëm është domosdoshmëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
