Do të ishte e rrezikshme të nënvlerësoheshin ambiciet e Rusisë dhe presidentit Vladimir Putin në luftën në Ukrainë.
Kështu tha sekretari i përgjithshëm i NATO-s, Jens Stoltenberg në një konferencë në Norvegji, cituar nga European Truth.
Ne nuk kemi asnjë shenjë se Presidenti Putin ka ndryshuar planet dhe objektivat e tij në Ukrainë. Prandaj, është e rrezikshme të nënvlerësohet Rusia.
Stoltenberg beson se Moska po përgatit një valë të re sulmesh dhe ka kërkuar që të mos nënvlerësohet ndikimi i mobilizimit të kryer në Federatën Ruse.
Forcat ukrainase kanë përparuar për disa muaj, por ne gjithashtu e dimë se Rusia ka mobilizuar shumë më tepër forca sesa ka përdorur në fushën e betejës, shumë prej të cilave aktualisht janë duke kaluar nëpër trajnime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
