Zgjidhen anëtarët e rinj të Këshillit të Emërimeve në Drejtësi

Presidenca ka hedhur sot shortin për zgjedhjen e Këshillit të ri të Emërimeve në Drejtësi.

Nga shorti me gogla janë përzgjedhur dy anëtarët e rinj të KED-së nga radhët e Gjykatës Kushtetuese, të cilët do të jenë Fjona Papajorgji dhe Vitore Tusha.

Ndërkohë që anëtare zëvendësuese është zgjedhur, Marsida Xhaferrllari.

Në short nuk është hedhur emri i Ardian Dvoranit, i cili ka qenë kandidati i vetëm nga Gjykata e Lartë dhe për rrjedhojë është quajtur si i miratuar.

Sipas Kushtetutës, Këshilli i Emërimeve në Drejtësi drejtohet nga anëtari i zgjedhur nga Gjykata e Lartë, në këtë rast i bie të jetë sërish Adrian Dvorani.

“Kryetar i Këshillit të Emërimeve në Drejtësi është anëtari i Gjykatës së Lartë. Gjykata e Lartë krijon kushtet e punës për ushtrimin e veprimtarisë së Këshillit të Emërimeve në Drejtësi”, thuhet në pikën 4 të nenit 149/d të Kushtetutës.

Ndërkohë që në KED nga radhët e Prokurorisë së Përgjithshme, do të jetë sërish Arta Marku, e cila ka fituar sërish këtë post nga hedhja e goglave.

11.10h-Nis hedhja e shortit për anëtarët e KED

Nis hedhja e shortit për zgjedhjen e anëtarëve të Këshillit të ri të Emërimeve në Drejtësi (KED).

Hedhja e shortit ka nisur në mesditë në mjediset e Presidencës.

Të panishëm në hedhjen e shortit janë presidenti Meta, kreu i KLP, Gent Ibrahimi, përfaqësues të Ambasadës Amerikane etj. 

vijon....