Në Tetorin Rozë, erdhi sot historia pikëlluese aq edhe frymëzuese e gruas që po lufton me kancerin e që u diagnostikua me kancer gjiri kur ishte vetëm 24- vjeç.
Në studion e programit të mëngjesit në “Zgjohu më MCN’, gazetarja Nertila Haxhiu rrëfeu historinë e saj të diagnostikimi që në moshë te re dhe rikthimin e sëmundjes dy vjet pasi ajo u bë nënë.
Ndoshta po të mos kisha këtë sfidë që kisha në jetë, nuk do të kisha këtë lloj energji që kam, përderisa jam gjallë.
Lajmin që jam me tumor e kam marrë pak para ditëlindjes së 24-të kur po organizoja festën, dhe me ish-bashkëshortin e kemi mësuar.
Shenjat i kisha pagjumësi, siklete, ngushtime, nuk flija gjumë, nuk haja, nuk kam ndjerë fare kokërr në gjoks, siç ndodh rëndom. Kam qenë shumë injorante, prandaj e kam përjetuar ashtu, kam kaluar probleme edhe me shëndetin mendor. Nuk u kam thënë fare fillimisht prindërve te mi, sidomos mamit e cila kishte kaluar në familjen e saj shumë histori me kancer.
Mund të them se nuk kam patur mbështetje psikologjike nga të afër, ndoshta ishte mentaliteti që je e sëmur duhet ët rrish të kurohesh, në një kohë që duhet të ishte e kundërta.
Sa më shumë kohë kalonte, jam munduar ta menaxhoj edhe profesionalisht.
Pavarësisht sëmundjes, dhe faktit që e kishte të rekomanduar të bëhej nënë, Haxhia, ia arriti qëllimit e saj.
E kisha të rekomanduar që të mos bëja fëmijë. Kam pasur tre aborte, sepse kisha edhe probleme në mitër. Kisha miken time Brunildes, e cila më është gjetur pranë, dhe pa të nuk di çfarë do bëja.
Kur kam ngel shtatzënë i kam shkruar mjekut 4 muajshe, dhe si kam treguar askujt, sepse doja ta mbaja këtë fëmijë dhe thoja të bëhet car të bëhet, unë do e mbaj.
Dhe ashtu ndodhi, kam ndenjur pesë muaj regjim shtrati.
26 vjeç u bëra nënë dhe në moshën 28 vjeç mu rikthye sërish kanceri i gjirit. U divorcova dhe si një nënë e vetme me vajzën, përballova shumë por ja dola.
Sot u them grave që të kujdesen për shëndetin e tyre, të bëjnë kontrolle rutinë, echo gjiri, nuk duhet lënë në neglizhencë shëndeti i tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
