U vranë nga ish-dhëndri, familja Plaka hap dyert e mortit për çiftin

Familja Plaka ka hapur dyert e mortit për dy viktimat e krimit të rëndë që tronditi Vidhishtën e Roskovecit një ditë më parë.

Të afërm, miq dhe banorë të shumtë janë mbledhur për t’i dhënë lamtumirën e fundit çiftit të bashkëshortëve, ceremonia mortore e të cilëve do të zhvillohet në varrezat e fshatit.

Ndërkohë, ceremonia mortore e autorit të ngjarjes së rëndë është planifikuar të zhvillohet paraditen e së dielës. Vendimi është marrë për të shmangur përplasjet e mundshme, pasi viktimat dhe autori janë banorë të së njëjtës zonë dhe ceremonitë do të zhvillohen në të njëjtat varreza.