Një grumbull trarësh druri pranë hekurudhës Fier-Vlorë, në afërsi të ish-stacionit, janë përfshirë sot nga flakët. Korrespondentja Evi Gjini në një raportim për edicionin e lajmeve në Mcn Tv bën me dije se flakët tashmë janë vënë nën kontroll dhe po shkojnë drejt shuarjes. Ndërkaq, ndotja në zonë ka qenë e jashtëzakonshme dhe banorët kanë shfaqur probleme me frymëmarrjen. Paraprakisht dyshohet për zjarrvënie të qëllimshme.
“Zjarri është arritur të vihet në kontroll dhe po shkohet drejt fikjes së tij. Ka qenë një zjarr jashtëzakonisht i madh, që ka ndotur ambientin duke rrezikuar edhe disa shtëpi aty pranë. Zjarri ka rënë në ish-ndërmarrjet e vjetra, që sot përdoren nga privatët. Traversa prej druri kanë qenë të hequr që janë zëvendësuar me hekur dhe beton dhe ishin lënë të grumbulluara. Ndaj dyshohet se zjarri ka qenë i qëllimshëm. Policia ka marrë edhe kamerat e sigurisë pasi lagjja është e banuar. Tymi i zi është shkaktuar sepse traversat kanë qenë të lyera me naftë bruto. Ndotja është jashtëzakonisht e madhe. Banorët kanë pasur edhe probleme me frymëmarrjen. Situata s’ka zgjatur shumë, rreth 60 minuta, një orë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
