Rusia: Politikat agresive të SHBA dhe NATO, mund të rezultojnë në përplasje mes fuqive bërthamore

Politikat agresive të Shteteve të Bashkuara të Amerikës dhe NATO-s, që çojnë drejt një përfshirjeje gjithnjë e më të thellë në konfrontimin ushtarak, mund të rezultojnë në një përplasje të drejtpërdrejtë midis fuqive bërthamore. Kështu tha zëdhënësja e Ministrisë së Jashtme ruse Maria Zakharova në një konferencë shtypi të mërkurën. “Rreziku më i madh është se me politikat agresive për shkaktimin e një disfate strategjike ndaj Rusisë në konfliktin ukrainas, ata kanë provokuar veten e tyre, Shtetet e Bashkuara të Amerikës dhe NATO vazhdojnë të rrisin aksionet dhe të tërhiqen gjithnjë e më thellë në një konfrontim ushtarak. Është e qartë se një i tillë politika, të cilën ne e cilësojmë si të pamatur, është e aftë të çojë në një përplasje të drejtpërdrejtë të armatosur midis fuqive bërthamore”, tha ajo. “Nuk ka nevojë të shpjegohet edhe një herë thelbi i rreziqeve strategjike që lindin në lidhje me këtë dhe natyrën potencialisht katastrofike të zhvillimeve të mëtejshme të ngjarjeve sipas skenarit më të keq.” Zakharova tha se Rusia ishte plotësisht e vetëdijshme për seriozitetin e situatës dhe “sistematikisht dërgon sinjale kthjelluese për vendet perëndimore”. “Problemi, është se Perëndimi është thjesht i fiksuar pas histerisë anti-ruse dhe një lufte hibride totale kundër vendit tonë. Ai nuk tregon gatishmëri për të perceptuar në mënyrë adekuate pozicionin tonë. E gjithë përgjegjësia për degradimin e mëtejshëm të situatës bie mbi kryeqytetet perëndimore. Nga ana jonë, ne vetëm mund të ritheksojmë me vendosmëri se Rusia është e vendosur të mbrojë interesat e saj të sigurisë dhe ne nuk do t'i rekomandonim Perëndimit të dyshonte në këtë”, përfundoi Zakharova.