Presidenti i Kosovës, Hashim Thaçi, është takuar në Bruksel me Përfaqësuesen e Lartë të Bashkimit Evropian, Federica Mogherini.
Thaçi pas takimit me Mogherinin ka thënë se është folur për dinamizmin e dialogut me Serbinë.
“Sapo e përfundova takimin bilateral me Përfaqësuesen e Lartë për Politikë të Jashtme të BE-së, Federica Mogherinin. U pajtuam për dinamizmin e dialogut dhe arritjen e një marrëveshjeje ligjërisht të obligueshme ndërmjet Kosovës dhe Serbisë”, ka thënë Thaçi.
Pas këtij takimi pritet që Mogherini të takohet me presidentin serb Aleksandar Vuçiç dhe më pas pritet të ketë një takim trepalësh.
Para takimit, Thaçi deklaroi para gazetarëcve se në takimin e së enjtes me presidentin serb Aleksandar Vuçiq do të bëjë përpjekje maksimale që të përafrojë qëndrimet me Serbinë për arritjen e një marrëveshjeje përfundimtare, ligjërisht obliguese.
Ai ka thënë se nuk do të jetë e lehtë rruga deri të arritja e marrëveshjes, duke theksuar se kjo është mundësia më e mirë për të ecur drejt rrugës euroatlantike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
