58-vjeçari hipën mbi pusin e naftës në Kuçovë dhe kërcënon të hidhet

Një person ka hipur në një nga puset e naftës në Kuçovë dhe kërcënon se do të hidhet nga lart.

Sipas informacioneve zyrtare, policia ka marrë njoftim se sot rreth orës 11:45 Nikollaq Bushi, 58 vjeç, banues në lagjen 11 Janari, Kuçovë, ka hipur në një platformë metalike të pusit të naftës, duke pretenduar se do të hidhet, pasi nuk është sistemuar me punë nga Bashkia.

Mësohet se sipas pretendimeve të 58-vjeçarit, këtij të fundit i ishte premtuar një punë nga bashkia Kuçovë por prej disa muajsh nuk kishte gjetur zgjidhje.

Në vendngjarje kanë mbërritur shërbimet e Policisë dhe të Zjarrfikëses si dhe punonjësit e Bashkisë Kuçovë, të cilët po negociojnë me të me qëllim zbritjen e tij.