Bashkia Himarë ka zhvilluar tenderin me objekt “Restaurimi i banesave të amortizuara për familjet në nevojë. Fondi limit është llogaritur 39.9 milionë lekë dhe vlera e kontratës 37.7 milionë lekë. Bazuar në dokumentet standarde të tenderit bëhet fjalë për restaurimin e 4 banesave të amortizuara të familjeve në nevojë.
Po të lexojmë me kujdes vetë bashkia Himarë dhe kryetari i saj Jorgo Goro që ka miratuar projektin duke hedhur firmën e tij, thotë restaurim i banesave shumë të amortizuara të familjeve në nevojë ( pra shumë të amortizuara) .
Pra me 37.7 milionë lekë ( të vjetra, sepse familjet në nevojë, e kanë më të lehtë ta kuptojnë kështu), do rikonstruktohen këto 4 shtëpi, në ketë gjendje që ju shihni.
Pra vlera me të cilën i bie të rikonstruktohet një nga këto banesa, në gjendjen që ju shihni, është më pak se 10 milion lekë.
Ndërkohë, vetëm për karburantin e administratës së Bashkisë Himarë në vitin 2023 janë shpenzuar 125 milionë lekë, në një tender pa garë, ku oferta e fituesit është në kufij 100% të fondit limit.
Pra, janë shpenzuar mbi tre fish më tepër se për restaurimin e banesave të amortizuara të familjeve në nevojë.
Nga ana tjetër, në vitin 2019 me të ardhurat e Bashkisë është blerë dhe automjeti i kryetarit të bashkisë, me fond limit 41.6 milionë lekë dhe vlerë kontrate 41.3 milionë lekë, sërish pa garë dhe ku oferta e fituesit është në kufij 100% të fondit limit.
Pra nëse është shërbimi ndaj njerëzve apo krijimi i komoditetit për vete, prioritet i Bashkisë Himarë, kjo nuk ka nevojë për përgjigje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
