Prokurori i Përgjithshëm i Ukrainës ka nisur një hetim mbi vrasjen e dyshuar të tre ushtarëve ukrainas në duart e trupave ruse.
Tre të burgosurit ukrainas të luftës dyshohet se u qëlluan për vdekje të dielën pranë Robotyne, një fshat i rimarrë nga Kievi gjatë një kundërofensive ukrainase vitin e kaluar, shkruan Sky News.
Procedimi penal është ngritur për të hetuar “faktin e shkeljes së ligjeve dhe zakoneve të luftës, të kombinuara me vrasje me paramendim”.
Ky është rasti i dytë i tillë që hapet ditët e fundit pasi zyra e prokurorit tha të dielën se po hetonte të shtënat e supozuara fatale nga rusët ndaj gjashtë trupave të paarmatosur ukrainas pasi ata u tërhoqën nga Avdiivka./
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
