Nuk është e mundur që kandidati për President i opozitës venezueliane Edmundo Gonzalez të hyjë në vend, deklaroi të premten aleatja e tij, liderja e opozites Maria Corina Machado, pak pasi presidenti Nicolas Maduro u betua për një mandat të tretë, pavarësisht polemikave prej muajsh mbi kontestimin e zgjedhjeve të korrikut.
Të enjten Machado u arrestua për pak kohë pas një marshimi, paraqitja e saj e parë në muaj dhe u detyrua të filmonte disa video, deklaroi ekipi i saj i fushatës, ndërsa qeveria mohoi përfshirjen.
Kujtojmë se në ditët e para të janarit qeveria e Venezuelës ofroi një shpërblim prej 100 mijë dollarësh për informacionin që çon në arrestimin e kandidatit presidencial të opozitës në mërgim, Edmundo Gonzalez.
Ai u largua nga vendi në shtator dhe iu dha azil politik në Spanjë pasi autoritetet e Venezuelës urdhëruan arrestimin e tij, duke e akuzuar për komplot dhe falsifikim dokumentesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
