Gjykata Kushtetuese ka vendosur me 5 vota pro dhe 4 kundër të lërë në fuqi marrëveshjen Rama-Meloni mbi emigrantët.
Në orën 16:00 aktivistët që janë shprehur kundër marrëveshjes për emigrantët do të zhvillojnë një aksion simbolik kundër vendimit.
Kujtojmë që ishin 30 deputetë të opozitës, nga grupimi Bardhi dhe Berisha që i kërkuan Gjykatës Kushtetuese shfuqizimin e marrëveshjes.
Megjithatë Kushtetuesja e ka vlerësuar marrëveshjen në përputhje me Kushtetutën.
Më herët pakti Rama-Meloni mori dritën e gjelbër në Dhomën e Deputetëve në Parlamentin italian, me 155 vota pro. Fjala e fundit për ratifikimin do t’i takojë Senatit italian.
Protokolli i firmosur në Romë më 6 nëntor të vitit të kaluar, përfshin vendosjen në Shqipëri të një pjese të emigrantëve që nisen nga Afrika e Veriut dhe kapen në det nga anijet italiane.
Gjadri do të jetë kampi ku do të ndërtohet vendqëndrimi i emigrantëve, ku kapaciteti është rreth 3 mijë shtretër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
