Parlamenti gjerman hodhi poshtë të premten projektligjin e opozitës për të shtrënguar politikën e emigracionit, dy ditë pas akuzave se shkeli për herë të parë një marrëveshje e cila ndalonte bashkëpunimin me të djathtën ekstreme.
Lideri i opozitës Friedrich Merz i Unionit Kristian Demokratik (CDU), i cili kryeson në sondazhet përpara zgjedhjeve të parakohshme të 23 shkurtit, argumentoi se ligji i ri ishte një përgjigje e nevojshme ndaj një sërë vrasjesh në vende publike nga persona me prejardhje emigrante.
Propozimi i Merz kaloi në parlament të mërkurën me mbështetjen e ligjvënësve nga partia e ekstremit të djathtë Alternativa për Gjermaninë (AfD), duke shkaktuar një valë protestash nga publiku, politikanët dhe madje edhe anëtarët e partisë së tij.
Protestat u fokusuan në shkeljen e supozuar të marrëveshjes për të shmangur bashkëpunimin me të djathtën ekstreme.
Sipas një sondazhi të DeutschlandTrend për televizionin shtetëror, 67% e qytetarëve mbështesin vendosjen e kontrolleve të përhershme kufitare, duke përfshirë më shumë se gjysmën e mbështetësve të socialdemokratëve të kancelarit Olaf Scholz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
