Presidenti i Amerikës Donald Trump nuk e konsideron koronavirusin si të rrëzikshëm. Pavarësisht se të shtunën u regjistruan 43 mijë raste të reja, për të parin e SHBA-ve, vendi po përparon në luftën me COVID-19.
Sipas BBC, Trump ndër të tjera tha se SHBA deri më tani ka testuar afërsisht 40 milionë njerëz, të cilët në 99% të rasteve nuk kanë patur pasojë. Pra raste nuk kanë ‘qenë të dëmshme’.
Më herët Donald Trump e ka konsideruar koronavirusin si “sëmundje të tmerrshme e ardhur nga Kina”, dhe i kishte thënë Pekinit se duhet të mbajë përgjegjësi për këtë shpërthim global. Gjithsesi nga deklaratat e lëshuar së fundmi presidenti Trump duket se e ka harruar atë se çfarë ka thënë më parë.
Ai nuk u ndal me kaq, por hodhi poshtë pretendimet e OBSH-së se nuk mund të ketë një vaksinë që shëron plotësisht koronavirusin. Trump u shpreh se ‘SHBA-të ka të ngjarë të kenë një zgjidhje terapeutike / ose vaksinë shumë muaj përpara fundit të vitit’.
Këto deklarata Trump i bëri para Shtëpisë së Bardhë përpara ushtarakëve dhe mjekëve, të cilët kanë qenë në vijën e parë të kësaj lufte. Gjithsesi pavarësisht asaj që ai tha Amerika deri më tani ka numrin më të madh të të prekurve dhe të vdekurve me koronavirus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
