Ditën e djeshme Policia e Vlorës ka shpallur në kërkim biznesmenin Sokol Meqemeja pronarin dhe administratorin e kompanisë “Delvina Gas” për ndërtim pa leje të një impianti gazi në një pronë publike.
Në pranga janë vënë dy përgjegjësit e kantierit të ndërtimit të cilët më pas u lanë të lirë.
Gazetari Arsen Rusta tha në një lidhje me studion e MCN Live se Sokol Meqemeja është një nga biznesmenët e përmendur në dosjen e ish-zëvendëskryeministrit Ahmetaj pasi së bashku me familjarët e të dyve janë kryer shit-blerje apartamentesh.
Orët e vona të pasdites së djeshme ka qenë vendimi i Prokurorisë së Gjirokastrës për të urdhëruar lirimin e menjëhershëm të tyre por jo heqjen e përgjegjësisë penale. Ndërsa biznesmeni Sokol Meqemeja prej ditës së djeshme është në kërkim. Është vetëdorëzuar, është paraqitur me avokat apo ka kërkuar në distancë nëpërmjet avokatëve t’i hiqet masa e arrestit, apo urdhër ndalimi mbetet për t’u parë. Ndërtimi i një teci nëpërmjet gazit për djegie është akuza që rëndon ndaj tyre. Nuk ka munduar dhe reagimi i vetë kompanisë ku thotë nuk kam ndërtuar asgjë, jemi funksional prej tre vitesh dhe është një proces i brendshëm i kompanisë dhe jo siç thotë IKMT dhe policia.
Emri i biznesmenit Sokol Meqemeja rikthehet në pjesën e kronikës së zezë, si një prej biznesmenëve të listuar në dosjen e Arben Ahmetaj, ku ai dëshmoi dhe ishte i përfshirë në verifikimin e disa transaksioneve mes tij, bashkëshortes së tij, Ahmetajt dhe familjarëve të tij në shit-blerjet e apartamenteve.
Në dosjen Ahmetaj Meqemeja ka qenë si deklarues, nuk ka përgjegjësi penale. Dosja e Ahmetajt ka shkuar disa herë në GJKKO që ka vendosur ta kthejë tek prokurori Elvin Goga për ta plotësuar me hetime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
