Kreu i Wagner, thirrje Putinit të shpallë fundin e luftës në Ukrainë

Kreu i organizatës mercenare ruse Wagner, Yevgeny Prigozhin, me anë të një mesazhi në Telegram i ka kërkuar Presidentit rus Vladimir Putin që të shpallë fundin e luftës në Ukrainë.

Moska ka përmbushur objektivat e operacionit special ushtarak dhe tani duhet të fokusohet në konsolidimin e territoreve që ka pushtuar në Ukrainë.

Më pas ai thekson se Rusia ka arritur të vrasë një numër të madh ushtarësh ukrainas, ndërsa ka detyruar edhe më shumë të largohen nga vendi.

Për autoritetet dhe shoqërinë në tërësi është e nevojshme që t’i jepet fund plotësisht operacionit ushtarak special.

Opsioni ideal është shpallja e përfundimit të operacionit special ushtarak dhe informimi i të gjithëve se Rusia ka arritur rezultatet që ka planifikuar dhe në një farë kuptimi ne kemi arritur shumë gjëra.

Rusia i preu Ukrainës hyrjen në Detin Azov dhe një pjesë të madhe të Detit të Zi, kapi një pjesë të madhe të territorit të Ukrainës dhe krijoi një korridor tokësor për në Krime.

Tani ka mbetur vetëm një gjë. Të konsolidojmë këmbët tona në tokat që tashmë i kemi.

Ndërkohë, siç raportuan sot agjencitë ruse të lajmeve duke cituar Ministrinë e Mbrojtjes në Moskë, luftëtarët e grupit mercenar rus Wagner pushtuan dy zona të tjera në qytetin ukrainas Bakhmut.