Një grabitje ka ndodhur mesditën e kësaj të premteje në Kamëz. Sipas informacionit paraprak të Policisë, rreth orës 13:00, dy persona ende të paidentifikuar kanë hyrë në ambientet e një argjendarie në pronësi të shtetasit O.L.
Dyshohet se njëri prej tyre ka qenë i pajisur me një send në dukje armë zjarri.
Pasi kanë marrë një sasi bizhuterish, autorët janë larguar menjëherë nga vendngjarja.
Pas marrjes së njoftimit, shërbimet e Policisë kanë mbërritur në zonë, duke ngritur pika kontrolli dhe duke ushtruar kontrolle intensive për identifikimin dhe kapjen e autorëve. Ndërkohë, grupi hetimor po punon për fiksimin e provave dhe dokumentimin e plotë të rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
