Nga Shtetet e Bashkuara në Kinë, për të ardhur më pas në Evropë: thatësira rekord e vitit 2022 është kthyer në një problem global. Në Itali, pamjet e lumit Po me shtratin bosh pushtuan rrjetin, ndërsa akullnajat e Alpeve në veri janë reduktuar në minimum. Thatësira këtë vit është një shqetësim mbarëbotëror, aq sa në disa vende është kufizuar furnizimi i popullatës me ujë, ka ndërprerje të prodhimit industrial dhe shumë lumenj nuk janë më të lundrueshëm.
* Kinë - Rajoni i Sichuan (84 milionë banorë) në jugperëndim të vendit ka vendosur të shkurtojë furnizimin me energji për shkak të thatësirës ekstreme dhe valëve të të nxehtit. Zonat e banuara, zyrat dhe qendrat tregtare në Dazhou, një qytet me 5.4 milionë banorë, janë njoftuar për ndërprerje të ujit me rotacion, sipas njoftimit zyrtar të Dazhou Poëer, i menaxhuar nga shteti. Sichuan - i cili mbështetet në energjinë hidroelektrike për të gjeneruar 80% të energjisë së tij - të dielën e kaluar urdhëroi prodhuesit e litiumit, plehrave dhe metaleve të tjera të mbyllin fabrikat e tyre ose të frenojnë prodhimin. Rajoni është gjithashtu prodhuesi më i madh në botë i paneleve diellore. Sipas agjencisë së lajmeve Xinhua, qeveria ka ndarë 280 milionë juanë (41 milionë dollarë) për të mbështetur gjatë thatësirës provincat Hebei dhe Shanxi dhe rajonin e Mongolisë së Brendshme në veri dhe provincën Liaoning në verilindje. "Disa lumenj të vegjël dhe të mesëm janë aq të thatë sa nuk rrjedhin më".
* Shtetet e Bashkuara - Për të dytin vit radhazi, disa shtete perëndimore janë detyruar të racionojnë konsumin e ujit për shkak të mungesës së shiut. Situata është më e rëndë në Arizona dhe Nevada, ku kalon lumi Kolorado, me prurje të reduktuara në një nivel të paprecedent. Sipas Associated Press, rreth 40 milionë amerikanë do të përballen me kufizime të shërbimit të ujit në masën 15-30%, një shkurtim i domosdoshëm për të parandaluar ndërprerjen e prodhimit të hidrocentraleve. Raportet e motit raportojnë gjithashtu se reshjet në pellgun e Kolorados për njëzet vjet kanë qenë nën mesataren. Urdhëresat që kufizojnë konsumin kanë bërë gjithashtu një viktimë të shquar: Erin Bronckovich, aktivistja e mjedisit që frymëzoi filmin me të njëjtin titull, luajtur nga Julia Roberts, u gjobit sepse u kap duke ujitur kopshtin e saj.
* Gjermani - Niveli i lumit Rin ka arritur nivelin më të ulët historik; në disa vende niveli i ujit është vetëm 40 centimetra. Numri dy i grupit të lobimit të biznesit BDI tha se "thatësira e vazhdueshme dhe nivelet e ulëta të ujit kërcënojnë sigurinë e furnizimit të industrisë". Ai gjithashtu paralajmëroi se furnizimet me energji mund të jenë gjithashtu më tej në krizë pasi anijet që transportojnë qymyr dhe benzinë përgjatë Rinit janë në ndalur.
* Britania e Madhe - Ujërat e Tamizit në Anglinë jugperëndimore janë tharë dhe i gjithë vendi është bllokuar në një valë të nxehti dhe mungesë uji që nuk është parë që nga viti 1976. Në disa qarqe në Britaninë e Madhe janë vendosur kufizime. "Të tilla ka në Anglinë jugore, siç është ndalimi i ujitjes së kopshteve, për të mos ndikuar në uljen e furnizimit me ujë. Kufizimet në përdorimin e ujit për shkak të thatësirës së jashtëzakonshme do të zbatohen edhe në Londër duke filluar nga 24 gushti. Rreth 15 milionë njerëz në kryeqytet dhe në rajonin e Oksfordit nuk do të mund të ujitin kopshtet apo të mbushin pishinat.
* Francë – Në juglindje të vendit rreth 100 bashki kanë ujësjellës tërësisht të thatë dhe duhet të furnizohen me cisterna. Funksionimi i disa termocentraleve përgjatë luginës së Ronës është në rrezik për shkak të rrjedhjes së ulët të lumit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
