Nga protesta e djeshme ka pësuar edhe Muzeu Historik Kombëtar. Në një njoftim të këtij institucionei, merret vesh se muzeu do të mbyllet përkohësisht. Mësohet se shkak i mbylljes së Muzeut janë bërë dëmtimet e shumta që janë shkaktuar nga protestuesit dje.
“Në zbatim të Urdhrit të Ministrit të Kulturës "Për mbylljen e përkohshme të aktivitetit për publikun të Muzeut Historik Kombëtar, Teatrit Kombëtar Të Operas, Baletit Dhe Ansamblit Popullor dhe të Bibliotekës Kombëtare të Shqipërisë", për shkak të dëmeve të shkaktuara gjatë protestës së ditës së djeshme, 10 dhjetor 2020, Muzeu Historik Kombëtar do të mbyllet përkohësisht, deri në një njoftim të dytë”, thuhet në njoftimin zyrtar për mbylljen e Muzeut.
Sakaq, është ngritu dhe një grup pune për vlerësimin e dëmeve. “Ju bëjmë me dije se është ngritur Grupi i Emergjencës për të marrë masat e menjëhershme për riparimin e dëmeve të shkaktuara dhe rikthimin në normalitet. Ju falënderojmë për mirëkuptimin”, mbyllet njoftimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
