Pa mbështetjen e SHBA-ve, Europës i duhen 300 mijë ushtarë shtesë

<p>Rreth 300 mijë ushtarë shtesë i duhen Europës në rast të një konflikti me Rusinë, nëse nuk ka ndihmën e SHBA-ve. Në një situatë të tillë, Europës do t’i duheshin investime të konsiderueshme në fushën e mbrojtjes.</p> <p>Sipas një analize të institutit kërkimor të Brukselit Bruegel dhe Institutit të Kielit për Ekonominë Botërore, të cilit i referohet <a href="https://www.dw.com/sq/pa-shba-n%C3%AB-evropa-ka-nevoj%C3%AB-p%C3%ABr-300000-ushtar%C3%AB-shtes%C3%AB/a-71706723">DW</a>, këto investime do të shkonin në rreth 250 miliardë euro në vit.</p> <p>Autorët e studimit përllogarisin se shtetet evropiane do të duhet të krijojnë rreth&nbsp;50 brigada shtesë me një numër të përgjithshëm prej 300 000 ushtarësh. Po ashtu të nevojshme janë edhe të paktën 1 400 tanke të reja si dhe 2.000 automjete luftarake për këmbësorinë, shifër që i tejkalon rezervat aktuale të të gjitha forcave tokësore gjermane, franceze, italiane dhe britanike.</p> <p>Studiuesit propozojnë që shpenzimet evropiane për mbrojtjen duhet të rriten çdo vit nga aktualisht dy për qind në 3.5 deri katër për qind të prodhimit ekonomik. Për&nbsp;Gjermaninë, si ekonomia më e madhe e Evropës, kjo do të nënkuptonte rritje të shpenzimeve për mbrojtjen kombëtare nga 80 në deri në 140 miliardë euro.</p> <p>&nbsp;</p>