“Borxhi publik është 11 miliardë euro, gati 80% e prodhimit të brendshëm bruto”. Kështu u shpreh eksperti i ekonomisë Selami Xhepa. I ftuar në emisionin “Arnautistan” në MCN TV, Xhepa tha se kjo shifër është e lartë dhe se rreziku sipas tij qëndron tek shlyerja e borxhit, i cili sipas tij përbën rrezik.
“Borxhi publik është 11 miliardë dhe është gati 80% e prodhimit të brendshëm bruto që është i regjistruar. Kjo është shifër e lartë. Janë 47 miliardë lekë që planifikohen për ti paguar për borxhin. Inflacioni nuk ka rëndësi kur është nën kontroll, por bëhet rrezik serioz nëse del jashtë kontrollit. Rreziqet me të cilat përballet shlyerja e borxhit mund të përbëjë rrezik. Kontratat e Partneritetit Publik Privat janë kontrata të pasigurta dhe shumë vende kanë hequr dorë nga këto praktika për shkak të riskut të tyre”, tha Xhepa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
