Irani pretendon se ‘armë të telekomanduara’ me satelit u përdorën për të vrarë shkencëtarin e madh të vendit Mohsen Fakhrizadeh. Deri më tani ata kanë drejtuar gishtin nga Izraeli për këtë ngjarje, duke thënë se së bashku me ta janë të përfshirë edhe një grup opozitarësh jashtë vendit.
Sipas shefit të sigurisë në Iran Ali Shamkhani u përdor një ‘pajisje elektronike’ për të vrarë shkencëtarin që po ecte me makinë në lindje të kryeqytetit në Teheran.
Gjithsesi deri më tani Izreali nuk e ka komentuar këtë akuzë.
Në fillim të viteve 2000, Fakhrizadeh luajti një rol kyç në programin bërthamor të Iranit, por qeveria këmbëngul se aktivitetet e saj bërthamore janë plotësisht paqësore. Ai program gjithsesi i është nënshtruar sanksioneve prishëse nga perëndimorët që synojnë parandalimin e zhvillimeve të armëve bërthamore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
