Gjykata Kushtetuese "rrëzon" Elvis Roshin

Gjykata Kushtetuese rrëzon kerkesen e Elvis Rroshit, i cili u shkarkua nga Qeveria per shkelje te ligjit te dekriminalizimit. Ai i ishte drejtuar Kushtetueses pasi kerkonte shfuqizimin e vendimit te Qeverise. 

Roshi ishte i pranishëm në seancën e sotme plenare, ku ka kërkuar që vendimi i KQZ-së për t’i ndërprerë mandatin në kuadër të ligjit të dekriminalizimit të shpallej jo në përputhje me dispozitat e ligjit themeltar të shtetit.

Gjithashtu Roshi kërkoi edhe shfuqizimin e vendimit të qeverisë për shkarkimin e tij. Por pavarësisht këtye kërkesave të Elvis Rroshit, i cili u shkarkua nga detyra për shkelje të ligjit të dekriminalizimit, Gjykata Kushtetuese vendosi të rrëzojë kërkesën e tij.

Më herët, gjatë seancës, përfaqësuesit ligjorë të Kuvendit dhe Qeverisë deklaruan se kërkesa e Rroshit nuk duhej legjitimuar dhe si pasojë duhej rrëzuar nga Gjykata Kushtetuese.

Avokatët e Elvis Rroshit thanë se Komisioni Qendror i Zgjedhjeve dhe Këshilli i Ministrave kanë shkelur Kushtetutën kur kanë marrë vendim për shkarkimin e tij nga detyra në fund të muajit dhjetor të vitit të kaluar.

Rroshi është një nga zgjedhurit e parë që u “kap” nga ligji për dekriminalizimin, i miratuar dhjetorin e vitit të shkuar me shumicë votash nga mazhoranca dhe opozita.

Rroshit iu hoq mandati nga KQZ-ja me kërkesë të Prokurorisë, sipas të cilës, ai kishte fshehur një dënim për përdhunim në Itali në fillim të viteve ’90. Komisioni Qendror i Zgjedhjeve në 29 dhjetor vendosi heqjen e mandatit për dy deputetet Shkëlqim Selami dhe Dashamir Tahiri, si dhe kryebashkiakun Elvis Rroshi, pas kishin fshehur të dhënat në formularin e dekriminalizimit.

Për vendimin e KQZ reagoi edhe ambasada amerikane në Tiranë, sipas të cilët ky rast është paralajmërim për të gjithë ata të inkriminuar që mendojnë të kandidojnë në zgjedhjet e ardhshme parlamentare të 18 qershorit.