Autoritetet në Indonezi kanë mbyllur aeroportin ndërkombëtar në Bali, për të dytën ditë me radhë, pasi thërrmija të vullkanit në malin Agung janë shkarkuar në atmosferë.
Shtëllunga masive të hirit kanë arritur deri në tre kilometra mbi majën e malit, ku vullkani ka nisur të shpërthejë qysh javën e kaluar.
Zyrtarët kanë rritur alarmin në nivelin më të lartë të mundshëm, nga frika e një shpërthimi të shpejtë masiv.
Rreth 100 000 njerëz janë urdhëruar të evakuohen.
Hiri vullkanik mund t’i dëmtojë motorët e aeroplanëve, si dhe të pengojë shikueshmërinë e pilotit.
Mbi 400 fluturime janë anuluar në Bali, ndërsa afro 60,000 udhëtarë kanë mbetur të bllokuar. / REL /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
