Një valë pakënaqësish ka përfshirë sistemin e drejtësisë ku prokurorët, gjyqtarët dhe avokatët kanë koordinuar lëvizje radikale në mbrojtje të interesave të tyre profesionale dhe financiare.
Sot prej orës 10:00, prokurorët dhe anëtarët e Këshillit të Lartë të Prokurorisë (KLP) mblidhen në Prokurorinë e Përgjithshme për të përcaktuar hapat që do të ndiqen në betejën ligjore për pagat e prapambetura e të pamarra.
Ndër opsionet kryesore të propozuara nga prokurorët është fillimi i një procesi gjyqësor, duke iu drejtuar zyrtarisht gjykatës.
Po ashtu, përgjatë ditës së sotme, gjyqtarët e Republikës do të depozitojnë në SPAK, një kallëzim penal lidhur me këtë ngërç financiar.
Në orën 12:00, avokatët do të mblidhen në një takim të posaçëm për të vendosur mbi shpalljen e një bojkoti total.
Ky reagim vjen në shenjë proteste ndaj rregullit të ri që ndalon mbajtjen e aparateve celulare gjatë seancave gjyqësore pranë Gjykatës së Posaçme (GJKKO).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
